أهـلاً بك زآئرنـآ الكريم ..
نحن نتشرف بتسجيلك معنـآاا ..
ولنـاا الشرف أكثر عندمـاا نرى مشـآركاتك تنور منتدآنـاا
إذا أردت التسجيل اضغط على تسجيل

....

نرآك في موآضيعنـآ :)



 
الرئيسيةالتسجيلدخول

شاطر | 
 

  أحدن معاكم عنده بـــلاك بيـــري ؟ // الهاتف اللي يجمع الخل خلـــه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الصقر
عضو مشارك
عضو مشارك


ذكر

عدد المساهمات : 11

نقاط التميز نقاط التميز : 4853

العمر : 97


مُساهمةموضوع: أحدن معاكم عنده بـــلاك بيـــري ؟ // الهاتف اللي يجمع الخل خلـــه    الثلاثاء يوليو 06, 2010 6:01 pm



لمن تضيق عليك من كل النواحي ..
تبحث عن اي شي ولو كان وهم يخرجك من مصايب دنياك
مهما كان هالشي تافه او غالي ..
مو مهم مدام انه يعطيك الجو اللي تبيه ويلون الدنيا ويخليها بدل سوادها
مثل الوان الطيف وعالم جميل ولا حتى احسن دكتور يقدر يعطيك هالجو
نعم البعض ما يكفيه زقاره ولا تلفزيون ولا شات عابر ..
مستعد يدفع راتبه اليومي ومئات الريالات على اتفه الاشياء
وبكذا ينغمس للقاع ويصير مدمن منحرف ّ! عن كل ما هو معقول ومفيد ..
فتلاقيه يشارك بالقنوات الفضائيه ويراسل باخر هالليالي ويسمي نفسه حنان ولا فؤاد ..
.. ويقعد يضيع قروشه وهو مستانس ومرتاح ..
ومستسلم لكل الخسائر بطيب نيه وحبه خشم بعد
ولا يجيك ماسك البيري ويراسل خلق الله انا فلان وعندي بي ام واستراحه وتوني راجع من ايطاليا
وخذ من الخرط ولو بغيت قال انه صاحب سمو ملكي او ولد وزير ويعيش الوهم ويكبر الوساده
واسمحولي استشهد بهالابيات الهزليه بالبيري سالب عقول البشر من طفل وصغير.. وللشاب والشايب الكبير/

أحدن معاكم عنده بلاك بيري ؟ // الهاتف اللي يجمع الخل خلـــه

هاتف خليوي بس به شي غيري // فيه المسنجر أغلب الوقت كله

اللي معه بلاك بيري الخطيري // يشوف ريما تشبك أون لاين ولا؟

قولوا لها إن ف يديها مصيري // فديت ايديها وكل شي تشلـــه

جمالها يدهن مع الوقت سيري //كن التميّع لغز والريم حلـــه

أسلوبها يلعب .ولكن حريـري // واللي تبي تذله تــقدر تــذله

كلامها مرسوم// سامي // أميري // كنه قرار لمجلس الشعب الأعلى

خمسة سنين وفي هواها أسيري // متفارقين اسنين وقلبي تعـــله

وان كانها حبت مع الوقت غيري // ببلع قصيدي من عقب ما أبلــه

اللي معاكم عنده بلاك بيري // يشوف ريما تشبك أون لاين ولا ؟

لاني بغيت أشريه ... أنب ضميري// قالولي يفتح لك مواقع مخلــه

/


اما البنات فبدعو في شراء الوهم .. تقعد تتابع ستار اكاديمي ولا شاعر المليون
وتبدأ تشجع الشخصيه الفلانيه وتراسل وتدق على صديقاتها يلا افتحو القناة الفلانيه ..شوفو وشكتبت لفلان .. قلتله اني سندريلا
ولاخر حلقه انا معاه ... وقلبا وقالبا وتقولبا ... وخذ من هالكلام وتقعد لك بالشهور تراسل المسكينه وتعيش الوهم وقصه حب من طرف واحد
وبعض النساء مدمنه شيء اسمه عمليات تجميل تنفق الالوف لشفط الكروش
ورفع الحواجب وترصيص باقي التضاريس والله حسيتها سياره مب ادميه والحمدلله الرجال بعيدين عن مثل هالافعال
مو لشي بس الرجل ما يهمه الشكل ..
لكن مو مقصر هو الثاني فتلاقيه يضيع قروشه في
شراء الاسهم وويتامل المسكين ان يصير من الاثرياء لكن ينسى حجم الديون واالاموال اللي شرا فيها هالوهم الكبير
على امل انه يكون واحد من اثرياء البلد
وبهالايام صار صيد المساكين سهل عارفين ان الناس يبون السعاده باي شكل وباسرع ما يمكن
فقالو خلونا نوهمهم ببرامج التنميه البشريه والمعروف عنها انها
تستنزف الاموال بالالاف عشان يكشخ المسكين ويقول اني مثقف وتراني دارس برمجه عصبيه ( ان ال بي
بس لمن تجي تحاوره تلاقيه في وادي وانت في وادي ومخه مليان من ثقافات بوذا والهندوس وعلم الطاقات ..الخ وخاليه من اي فكر واقعي
يعني معقوله من خلال هالبرامج انه راح يكون انسان موهوب في شهر وانه راح يكون واثق من نفسه وقادر على القاء الخطابات على الجماهير ..
بدون تأتأه وخوف وانه بيكون سوبرمان في قوه شخصيته من خلال برنامج شهري تصل المبالغ المصروفه عليه بالالاف
واخر المطاف لا دراسه ولا ما يحزنون انت مثل ما انت.. وطارت فلوسك يالمسكين ..
لو فكر شوي كان درس في معاهد معروفه ولها جدوى
ومردود وفائده على الاقل ترقيه في مجال عمله ..والمجالات كثيره لتحسين الوضع
هذا الوهم والسرير الوردي ...افيون العقل اانتشر بين الناس .. كل العالم عايشينه بدون احساس
يستنزف وقتهم ومالهم وفكرهم وكل الاشياء الجميله بحياتهم وبالنهايه ما شرى الا سمك بالبحر
من المستحيل انه يحصل عليه .. متعه وقتيه لا طائل من ورائها

لو تسائلنا وقلنا من المسؤول ومن المستفيد
راح نلاقي هوامير القنوات والمراكز الطبيه والاتصالات والمعاهد الوهميه ومن يقف عليها هم المستفيدين ماليا

اضاءه ... وهمسه لكل غافل /

قال عليه الصلاة والسلام:" لاتزول قدما عبد يوم القيامة حتى يسأل عن أربع: عن عمره فيما أفناه
وعن شبابه فيما أبلاه، وعن ماله من أين اكتسبه وفيما أنفقه، وعن علمه ماذاعمل فيه" رواه الترمذي

قال عليه الصلاة والسلام: {مَنْ أَصْبَحَ مِنْكُمْ آمِنًا فِي سِرْبِهِ مُعَافًى فِي جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا بِحَذَافِيرِهَا
}


وكفى بما قاله الرسول صلى عليه وسلم
عن الاف السطور والكلمات والعبر

ارائكم تهمني
الرجوع الى أعلى الصفحة اذهب الى الأسفل
bouchra11
عضو متألق


انثى

عدد المساهمات : 472

نقاط التميز نقاط التميز : 5478

العمر : 33


مُساهمةموضوع: رد: أحدن معاكم عنده بـــلاك بيـــري ؟ // الهاتف اللي يجمع الخل خلـــه    الأربعاء يوليو 07, 2010 7:06 am

merciiiiiiiiii
الرجوع الى أعلى الصفحة اذهب الى الأسفل
 
أحدن معاكم عنده بـــلاك بيـــري ؟ // الهاتف اللي يجمع الخل خلـــه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى العام-
انتقل الى: