أهـلاً بك زآئرنـآ الكريم ..
نحن نتشرف بتسجيلك معنـآاا ..
ولنـاا الشرف أكثر عندمـاا نرى مشـآركاتك تنور منتدآنـاا
إذا أردت التسجيل اضغط على تسجيل

....

نرآك في موآضيعنـآ :)



 
الرئيسيةالتسجيلدخول

شاطر | 
 

 سلطات صحيّة وسريعة التحضير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
منو السعوديه
المميزين
المميزين


انثى

عدد المساهمات : 1553

نقاط التميز نقاط التميز : 8572

العمر : 26


مُساهمةموضوع: سلطات صحيّة وسريعة التحضير    الثلاثاء نوفمبر 09, 2010 12:59 pm

سلطة المكرونةسلطة المكرونة
المقادير:

كيس مكرونة
1/2 كوب لبن ساخن
1/4 كوب زيت زيتون
1/2 كوب جبنة رومي مبشورة
مكعب جبنة كيري "اختياري"
1/2 كوب كزبرة مفرومة
كوب بسلة مسلوقة
1/2 كوب بصل مفروم
1/2 كوب زيتون أخضر مقطّع قطع صغيرة
1/4 كوب فلفل ألوان
ملح وفلفل

الطريقة:
1- اسلقي المكرونة وصفّيها من المية، وبعد كده حطّيها في حلة، وضيفي ليها قطعة زبدة صغيرة، وقلّبيها على النار كويس جداً.

2- بعد كده حطّي اللبن، ومكعب جبنة كيري على النار، وقلّبيهم مع بعض لغاية ما الجبنة تذوب تماماً، وبعد كده ضيفي الملح والفلفل والكزبرة، وممكن تعصري معاهم نصف ليمونة.

3- حطّي المكرونة في طبق التقديم، ومعاها الفلفل والزيتون والبسلة والبصل المفروم، وقلّبيهم كلهم مع بعض كويس، وبعد كده ضيفي صوص اللبن والجبنة، وبعد كده شيليها في الثلاجة.

4- وعند التقديم ممكن ترشّي على وشها جبنة رومي مبشورة.. وبالهنا والشفا.



*******************





سلطة التونة بالخضراواتسلطة التونة بالخضراوات
المقادير:

2 علبة تونة
2 حزمة كرفس مفروم
2 ثمرة طماطم مقطّعة قطع صغيرة
كوب حمص مسلوق "اختياري"
بصلة متوسّطة مفرومة
1/2 كوب زيتون أخضر مخلي
حزمة بقدونس مفروم
1/4 كوب زيت زيتون
عصير 2 ليمونة
ملح وفلفل

الطريقة:
1- حطّي التونة في طبق التقديم، وضيفي عليها: البقدونس، والبصل، والحمص، والكرفس، والملح، والفلفل، والطماطم، والزيتون.

2- في طبق تاني اخلطي عصير الليمون مع زيت الزيتون، وقلّبيهم كويس جداً، وبعد كده ضفيهم على سلطة التونة.. وبالهنا والشفا.



*******************




سلطة البطاطسسلطة البطاطس
المقادير:

3 ثمرة بطاطس كبيرة
2 ملعقة كبيرة خل
3/4 كوب مايونيز
بصل أخضر مقطّع قطع صغيرة (الفروع الخضراء)
3 ملاعق كبيرة مسطردة
ملح وفلفل
بصلة كبيرة مفرومة
2 بيضة مسلوقة

الطريقة:
1- اسلقي البطاطس، وبعد كده برّديها بالمية، وقشّريها، وقطعيها لمكعبات صغيرة.

2- هاتي طبق صغير، وحطّي فيه المايونيز والمسطردة والخل والبصل، وقلّبيهم كويس مع بعض، وبعد كده ضيفي الملح والفلفل على حسب الطعم اللي إنتِ عايزاه.

3- قطّعي البيض لمكعبات، وحطي عليه شوية ملح وفلفل، وبعد كده ضيفيه على البطاطس، وضيفي معاه خليط المايونيز والمسطردة اللي حضّرتيه.

4- وفي النهاية ممكن تزيّني الطبق بقطع البصل الأخضر.. وبالهنا والشفا.



*******************




سلطة الفراخ بالمشرومسلطة الفراخ
المقادير:

1/2 كيلو صدور فراخ مقطّعة قطع صغيرة
زيت زيتون
ملح وفلفل
حزمة كرفس مفرومة
ثمرة طماطم وقطّعيها مكعبات صغيرة
1/2 علبة مشروم
حزمة خس

الطريقة:
1- بعد ما تتبلي الفراخ بالبصل والليمون، حطّيها على النار، وحطّي عليها زيت الزيتون، وتابعيها لحد ما تستوي كويس.

2- بعد كده حطّي شوية زيت زيتون على النار، وشوّحي فيها المشروم لمدة 3 دقائق.


3- بعد كده اخلطي قطع الفراخ مع المشروم، وحطّيهم في طبق التقديم.

4- بعد كده ضيفي عليهم الخس والطماطم والملح والفلفل، وقلّبيهم كلهم مع بعض كويس وقدّميها.. وبالهنا والشفا.



*******************




سلطة البسلة بالمايونيز سلطة البسلة بالمايونيز
المقادير:

1/2كيلو بسلة مسلوقة
بصلة كبيرة مقطّعة حلقات
3 ثمرات جزر مبشور
4 ملاعق كبيرة مايونيز
ملح وفلفل
2 ملعقة كبيرة خل
لوز مقشر "اختياري"
2 ملعقة كبيرة زيت زيتون

الطريقة:
1- اخلطي البسلة مع الملح والفلفل والجزر والبصل.

2- هاتي طبق صغير، واخلطي فيه المايونيز مع زيت الزيتون والخل، وقلّبيهم كويس جداً، وبعد كده حطّي الخليط ده على البسلة وزيّني الطبق باللوز.. وبالهنا والشفا

الرجوع الى أعلى الصفحة اذهب الى الأسفل
rosaa
لجنة المراقبة و النظام
لجنة المراقبة و النظام


انثى

عدد المساهمات : 4461

نقاط التميز نقاط التميز : 9340

العمر : 25


مُساهمةموضوع: رد: سلطات صحيّة وسريعة التحضير    الثلاثاء نوفمبر 09, 2010 5:00 pm

choukraaaaaaaaaaaaaaaaaaaan ilik
الرجوع الى أعلى الصفحة اذهب الى الأسفل
Wedad003
عضو شرف
عضو شرف


انثى

عدد المساهمات : 302

نقاط التميز نقاط التميز : 4803

العمر : 22


مُساهمةموضوع: رد: سلطات صحيّة وسريعة التحضير    الأربعاء نوفمبر 10, 2010 9:05 am

شكراااااااااااا كتييييييير على هاته الوصفات
الرجوع الى أعلى الصفحة اذهب الى الأسفل
 
سلطات صحيّة وسريعة التحضير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الطبخ-
انتقل الى: