زماااااااااااااااااااااااني

زماني

زماني يا الغدار...
آش مازال مخبي ليا
جربت في كل لمحاين
وباقي مازال عاض في
شربتيني كل لمرار
والكاس اللي خوا...
يتبعوا كاس آخر ليا
المعاناة راني شفتها
أمازال تقول هذا الشيء
غير شوي...
آش بيني أبينك
أولا عجباتك اسمية
******
زماني يا الغدار
آش مازال مخبي ليا؟
قلبي درت عليه شحال من مرة
أفين ماكانت شي جمرة شاعلة
طفيتيها فيا ...
الليالي القارسة سهرتيني
والنجوم شاهدة عليا ...
شحال من طبيب جربت
أمعرف دوا يداوي اللي بيا
*******
يازماني يا الغدار
آش مازال مخبي ليا؟
أيامك دايزة تجري
ألمخبي يبان...
يوم ما يشبه خوه
إمتى يهل يومك المزيان
لخلا راني شفتو
لمرار راني شربتو
أجمرك مازال شاعل فيا
********
يازماني يا الغدار
آش مازال مخبي ليا؟
تكويني كل نهار كية
أتقول كية العاشق
لا هي تحرق..لاهي تبكي
سولتك يا زماني
علاه يحمارو عيني؟
علاه تحمى ذاتي
والكاس الي شربتو
ما يبرد اللي بيا؟
******
يازماني يا الغدار
آش مازال مخبي ليا؟
كياتك لايتعدوا
مصايبك ما يتردوا
أسعدات اللي عايش مهني
قلبو بارد
والمسكة بين سنانو كيغني
شفت فيك يا الزمان
كالمعلم يقري
كل نهار حكاية
وكل نهار خبار
مرة خبارك تفرح
أكثيرها تبكي
واخا يا الزمان
جراحك جراح تدمي
اللي دازت على الراس
كاع تهني
واللي دار أجال
أعرفك يآلزمان
ماشي بحال اللي مخشي
تحت أمو
أشحال فيهم ولا كيحني
******
يازماني يا الغدار
آش مازال مخبي ليا؟
اللي جات من عند الله
راني راضي بيها
قدري راه مكتوب عليا
أأيامي كلها نبغيها
حلوة أولا مرة
اضحك راه الدنيا...
تضحك اللي اضحك ليها
العيون كثار
وانا لابد نلقى
اللي سري تكتم فيها
والصابر يا زماني ليه الله
غبنادم يدير الخير
راه ليام دوز
أتبقى حكاية تعاود فيها ...

خخخخخخخخخخخخخخخخخخخ اختي نورا كن غير غنيتيها ليا خخخخخخخخخخخخخخخخخخخخخخخخخ
كلمات روعة خاصها غير شي ملحن مقتدر وااااااااااااااااااعر وتنزل فشي البوم شعبي خخخخخخخخخخخخخخ
شكرا بزاف الحبيبة

صفاء مرسي انت علاش لا اجي كوني انت ملحنه انا مغنيه