ما تتجوزيش ادا كانت الاسباب دي

ما تتجوزيش علشان اهلك ضاغطين عليكي و عايزين يفرحوا بيكي...ما ينفعش تدفعي تمن فرحتهم تعاسة تعشيها طول عمرك !!

ما تتجوزيش علشان متقدملك عريس من اللي بيقولوا عليهم "كما قال الكتاب " و
مافيهوش غلطة و تبقي عبيطة لو رفضتيه .... حتبقي عبيطة بجد لو وافقتي و
انت مش مرتاحة من جواكي !!

ما تتجوزيش لو سنك قرب علي ال 30 و بيقلولك : القطر خلاص حيفوتك " "
حتعنسي " لا في قطر من اساسة علشان يفوتك ولا في كلمة اسمها عانس

ما تتجوزيش ادا كانت الاسباب دي Smiley-smile

ده مجرد مجتمع مريض خلق حاجات علشان ينقلك مرضة بيها

ما تتجوزيش لو فشلتي في علاقات كتير في حياتك و فكيتي خطوبتك مرتين و
خايفة تفكي المرة دي كمان علي اساس ان صعب بعد كدة تلاقي حد يتجوزك
ما تتجوزيش عشان المجتمع و طنط فلانة و طنط علانة كلوّ وشك من كتر الكلام
علي الجواز و العرسان علشان مافيش حاجة اسمها " شدي حيلك بقي و اتجوزي "
ولا انت فيكي عيب ولا مريضة انت بس انسانة لسة مالقتيش اللي يريحك

ما تتجوزيش علشان الوقت بيعدي بيكي و صحابك اغلبهم الدبلة احتلت الايد
اليمين ولا الشمال و الكلام في البيت ولا وسط صحابك بيخليكي تحسي بفشلك هم
اتخطبوا و اتجوزوا و مبسوطين .. مش لازم انت تتعسي نفسك علشان يبقي اسمك
مخطوبة قدام الناس و صحابك !!

ما تتجوزيش واحد عاجب اهلك مش هم اللي حيعيشوا معاه ..ولا عاجب صحابك كان
اتجوزهم هم احسن !! هم مالهمش غير انهم يقولولك مبروك لو افقتي ..رلأيهم
مش حيغير في اختيارات لان الاختيار لازم يكون منك انت ..علشان ما تندميش
بعد كدة لانها حياتك مش حياتهم !!

ما تتجوزيش او ما تقلقيش ان نت عديتي ال23 و مافيش في حياتك اي شاير خطوبة
ولا جواز المشكلة مش عندك المشكلة في مجتمع اللي بيرعب البنت انها بقت
عندها 23 سنة و لسة مافيش حاجة !! ده مش وصمة عار .. هو مجرد نظام اجتماعي
مش اكتر انت مافكيش مشكلة .. المشكلة فيهم !!

ما تتجوزيش علشان حتطلعي من الكلية خلاص و انت في مجتمع بيعزز فكرة انك
تتخطبي في الكلية علشان تخلصي و تتجوزي و يكروتوكي كدة بحجة ان اللي بتطلع
من الجامعة مش متجوزة بيبقي فرصتها قليلة !! لا خالص اضحكي علي الناس اللي
تقولك كدة .. و قرري انك تعيشي حياتك بكل فتراتها و تستمتعي بيها بجد !

ما تتجوزيش واحد ماتعرفيهوش .. لان الطبع بيغلب التطبع

و مش الطبيعي ان في مجتمع تعفن من المظهرية انه يكون من اول لحظة علي
طبيعتة ... خلي المواقف و الوقت يبين الحقيقة فيكي و فية علشان ما تتصدموش
في بعض بعد الجواز .. الجواو مش حيطير

بس حياتك مهمة انك تبقي بتاخدي فيها الخطوات اللي انت بجد حسباها صح

ما تتجوزيش لو لسة مش لاقية الراجل اللي يملا عينك و قلبك وحياتك و تصدقي
انه ممكن يكون حماية و أمان و سند ليكي في الدنيا ..لو معاه و لسة حاسة ان
في لسة كتير نقصك حتي في وجودة جنبك ..الايام مش حتجبلك الامان ولا الفلوس
ممكن تغير كتير !!

ما تتجوزيش إلا لما تلاقي الراجل اللي بكل عيوبة عينك تشوفة "سوبر مان " و يكون شايفك رغم عيوبك في عينيه انت كمان"سوبر ومين

ما تتجوزيش إلا لما تبقي فخورة انك تكوني مراتة .. و لما تيجي تقدمية
للناس تبقي من جواكي طايرة من الفرحة و شايفة انك بتغيظي الناس كلها انكوا
بقيتوا ملك بعض

ما تتجوزيش ألا لما يبقي نفسك يبقي عندك اطفال شبهه .. شكلة في صفاته و
ملامحة الامومة اللي جواكي هي الحاجة اللي اكيد مش حتكدب عليكي !!

ما تتجوزيش غير لما تشوفي في الراجل دة الحد اللي عايزاة يملا النص التاني
في عيالك .. في عقولهم ..في تربيتهم .. في تأهيلهم .. لما يبقي الراجل دة
عيالك يقلولك شكرا ان دة بابا

ما تتجوزيش اللي تحسي انه اخد الخطوة و عايز يتجوزك علشان انت كمالية في
حياتة زي اللفيلا و العربية و عجبة شكلك و بيقول اه تنفع ... اتجوزي اللي
يحب روحك .. لان من المؤكد ان الشكل حيروح ... لكن الروح مهما حصل حتفضل
واحدة .. كدة تضمني حبة حتي بعد ما روحك تروح اللي خالقها !!

ما تتجوزيش واحد معندوش طموح ... بكرة طموحك يدبحك و هو بيدفن فيكي كل حلم
جميل في الحياة .. و مش بس كدة حيقتل في عيالك احلامهم ... حتبقي بتشاركي
في صناعة جيل فقد الحلم ..فقد المستقبل .. فقد الحياه و لزتها

ما تتجوزيش اللي بيحب فيكي حاجات .. اتجوزي اللي لسة ماعرفش بيحبك ليه

ما تتجوزيش اللي يضيع وسط تفاصيل الحياه .. و يفتكرك كل فين و فين اتجوزي اللي رغم دوشة الحياه بيدور عليكي فيها

ما تتجوزيش اللي يغير عليكي بجنون لدرجة الشك .. حتعيشي عمرك كلة تدفعي
تمن عقدة انت مش طرف فيها .. و حتعيشي تبرري حاجات معملتيهاش اصلا .. و
حيبقي يسمووه "الحب الذي قتل صاحبة "

ما تتجوزيش علشان اتخنقتي و عايزة تطلعي من بيت أهلك اللي فكراه سجن
..تأكدي لو طلعطي بالطريقة دي من السجن .. حتلاقي بيت جوزك سجن بس اكبر
حبة

تخلصي من السجن اللي جواكي الاول ..لان سجن بيت بابا منغير مسؤلية بس سجن
بيت جوزك بمسؤلية و عيال و طبيخ و ترويق .. لو مش حتعملي كل دة و انت من
جواكي حرة حتبقي بتسجني نفسك بأيدك

)

ما تتجوزيش لو كان رافض انك تكوني حبيتي قبلة ..هو عايز يحس برجلته و
سيطرتة عليكي و خلاص مش حبا فيكي ولا شايفك جوهرة يعني اسألي نفسك و هو
أدي لنفسة الحق ليه يكون قال ل 1000 واحدة قبلك انه بيحبهم ليه !!!

ما تتجوزيش اللي يقولك انت ليا لوحدي و صحابك ما تعرفيهمش تاني .. لو قبل
انك تبيعي صحاب و عشرة سنين .. لازم يقبل ان حبيبتة بياعة و ممكن تبيعة في
ثانية .. لازم يبقي عارف انه الوحيد في حتيته انه جوزك و حبيبك مش اكتر ..
هو مش الدنيا !! هو جوزك ..بس

ما تتجوزيش اللي يعوز يغيرك بسلطان كلمة بحبك ..هو لو عايز يغيرك اختارك
ليه من الاول اصلا .. حب فيكي اية ؟ وهو شايف عيوبك و عايز يغيرها كمان !!
لانه لو حبك اصلا مش حيشوف فيكي عيوب

ما تتجوزيش علشان معاه فلوس و خلاص في مثل زمان جدودي كانوا بيقلوه
"يا واخد القرد علي مالة .. يروح المال و يفضل القرد علي حالة " اتجوزية
علشان بيحبك و بتحبية ..مهما راح المال حيفشل الحب موجود يسند !!
يعني مش شبكة ولا فرح ولا شقة هم الفرح الحقيقي .. الفرح الحقيقي بيبقي جوانا و الحاجات دي مجرد مظاهر

ما تتجوزيش علشان العيلة .. المناظر خداعة و ممكن تطلع مسرحية حتي ولو بعد
20سنة الحقايق بتبان و الحب هو اللي بيداري و يستر مش حاجة تانية

ما تتجوزيش علشان هو عاجبة لبسك و الستايل بتاعك و انك مهتمية بنفسك ...
اصلة حيشوفك و انت اسة صاحية و انت عيانة و انت مضايقة و انت ........
فالاساس في حبة حيروح !!!

ما تتجوزيش علشان الفستان الابيض و الكوشة و المزيكا ولا علشان الزيطة دي
بتزوقك تتجوزي .. ولا علشان الصور اللي حتحطيها علي الفيسبوك و كلمة
اتجوزتي او اتخطبتي فلان الفولاني في خانة الحالة الاجتماعية .. ولا علشان
شوية التعليقات اللي حتتحط علي صورتك الجديدة .. كل دة بلاستك و اغلب
التعليقات مش حقيقية .. يا حد غيران و نفسة يبقي مكانه .. يا واحده غيرانة
و نفسها تبقي مكانك

من الاخر ما تتجوزيش علشان لازم و مفروض و محتاجة و ضروري ... كل الكلمات دي وهم اخترعناه احنا و رسخه جوانا مجتمع احنا جزء منه .

الجواز ما هو إلا نظام اجتماعي مكمل مش اساسي خالص ... يعني ما تتجوزيش
إلا لما تكوني حتزودي علي حياتك فرحة .. الفرح ..فرحك انت مش أهلك و لا
صحابك ..ولا الناس

) الفرح انك تفضلي في نفس السعادة بعد المزيكا ما تخلص .. انك تفضلي بالفرحة حتي وسط مشاكل الحياه

هو دة الجواز يا عزيزتي .. و اي حد يقولك عنه حاجة تانيه
لازم تتأكدي انه بيخدعك !!

اتجوزي ....اتجوزي ....اتجوزي ...لما تبقي مرتاحة .. متقبلة ..اتجوزي لما
تحبي بجد ..لما تتمنية ...اتجوزي لما تبقي مستعدة ...مش محتاجة !!
و اتجوزي مش لما يبقي نفسك تسمعي كلمة بحبك..لكن لما تقدري تقوليها انت كمان

!!

مرسييييييييييي قلبي على موضوعك الحلووو

بس حتى الزواج هلا ماعد بيفرح للاسف

من جهتي انا مابفكر

بلذواج سؤاء بسبب هذي الاسباب

او سواها ما احلى الحرية

» بلا كدب لو كانت طيارة خاصة كانت اخدتها مباشرة الى مدينتها وجدة
» رانيا برة و هذه الاسباب ..
» الاسباب الجالبة لمحبة الله
» اعتذر ...ولهذه الاسباب لم اكتب توقعات الاسبوع
» وديع آبي رعد : لهذه الاسباب انسحبت من ستار أكاديمي 7!