في صمت .....ما في صوت هيدا هوي الموت

سبحان الله الخالق الأكوان
فيها خلق افراح ومقاسي
ارسل الانس والملك والجان
وبعظمة تربع بعرشو السداسي
من نطفة ترابو كون الانسان
ومن لهب نارو جن وسواسي
وارسل الانجيل وكملو بقرءان
ومسجد للصلا وكنيسة قداسي
وكرم الانسان بنعمةالنسيان
وهيدي قصيدة كتبتها بايمان
قبل لحظات من ودعة نفاسي
***************
ما اجمل الكفن لما رح ينلف
بقلب تابوت بالخشب مبري
ومحلى الناس لحولو عم تلتف
تردد شو كتب بالقول حبري
بعتذر منك سامحني يا دف
ومنبرك يا دف بقلب قبري
***************
خي بقولها وفرحان بدي كون
لم بيجو لية انكر ونكير
ويسألو مين ربك يا عبد مجنون
بقلن في غيرو لألله القدير؟
***************
ومينو رسولك لعلمك لئصول
بقلن محمد رسولي الأمين
ومينو امامك لنور هلعقول
بقلن علي يا امير المؤمنين
زوج السيدة الطاهرة والبتول
وحسن وحسين وائمة معصومين
وما بنسى القائم الحجة وسبط الرسول
بقية الله من الائمة الطاهرين
****************
هيدا هوي الموت
شفتو شو حلو؟
في صمت ....ما في صوت
سبحان الخالق مجملو
*****************
كنت بدني زغيري بالنظر
لكنها كبير بعيون البشر
مهما تشرق شمس او يضوي قمر
بقلب لحد زغير بدي انحشر
******************
مهما الدني النا تكون غنوة
والموت من بعيد يلمحنا
ايام مرة عطانا وايام حلوة
الله لكبير حتى يمتحنا
***************
صحيح بموت ومش رح عود فيق
وربي عضامي بيرجع بيحييها
ومها فيه اللحد كان مكان ضيق
اوسع من الدني لي كنت فيها