أبرحل من حياتك

خلاص أبرحل من حياتك وأخليك
وأحكم على دنيا غرامك بالأعدام



مثلت لي يازين يومي ألاقيك
وأتقنت دورك والرجا منك مانام



تلعب بقلب اللي يحبك ويغليك
وأخذت مقصودك وحطمت الأحلام



حفظت ودك يوم أنا واثقٍ فيك
وطعنتني طعنة غدر كلها آلام



جازيتني واليوم لا بد أجازيك
بأقتص وأخذ منك ثاري ولودام



أكرهك وأكره كل من جاب طاريك
الى متى وانا انتظر منك الأسقام



خلاص أبرحل من حياتك وأخليك
وأعزف على أوتار الحزن غدر الأيام


واعزف ..
على اوتار الحزن
.. ( غدر الايااااام ) ..