مابي غيرك يغسـل جثتـي بالمـي

ياجعل عيني ماتبكيك







يابوي ليه تبكي كل ما شافتك وعينـك لـي ؛،؛
تخاف أموت يابوي ... وقبل الموت تبكيني

تكفى يابوي لا تبكي وأنا موجود معك وحـي؛،؛
أجل بعد الرحيل أشلون في قبري توطينـي

يابوي لو تموت الناس ماتسوىدموعـك ذي ؛،؛
وأنا يابوي ميت قبل أموت وأنـت محيينـي

قسم بالله يابوي لجل عينك شربـت الغـي ؛،؛
جرعت الهم والحرمان وبحر الويل يسقينـي

تحملت السنين اللي طوتني في عذابي طـي ؛،؛
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي ؛،؛
ولكـن بطلبـك يابـوي تكفـى لا تخلينـي

يابوي مابي غيرك يغسـل جثتـي بالمـي ؛،؛
وتكفى قبل لا أتكفن .. يابوي فكلـي عينـي

بأمر الله يمكن ألمحك وأرحل في عيني ضي ؛،؛
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي ؛،؛
وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي ؛،؛
ووجهنـي لبيـت الله .. وقبلـه المصلينـي

وحط الطين وأدفني وعزاللي يعـزي فـي ؛،؛
ثلاث أيام يابـوي .. يواسـوك المعزينـي

ورابع يوم يابوي تذكر .. ضحكتي وعني ؛،؛
تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي ؛،؛
تجي يمي تصب الما..على وجهي وتصحيني

تذكر جرة الموال وصوت في حبالـه كـي ؛،؛

تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقي هـي ؛،؛
تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـي؛،؛
ولكـن أسالـك بالله يابـوي لا تبكيـنـي

جونيل





طرحتى فابدعتى


اهنئك على ذائقتك


يعطك الف الف لاعافية


دمتى مبدعه


تحياتى


لمياء المغرب

اختى جونيل

ليس غريب عليك أن تأتي حروفكـ
مشبعة بالجمال وموشحة بالكمال
وهج حرفي يزرع سنا الشمس كـ شعاع
في أحشاء الضوء
ويعانق حبات السنابل
التي ترعاها أنامل السحب.
فـ يأتي الرعد مرتخي الودق..!
يروم الزهرة فيهيم الندى
شامخ هذا القرطاس والقلم..
يزغرد من أول مشاركه.
كـ أجمل طفل قصيد..
شفتاه ورديتا العطش..
رائعه ومترفه حد المنتهى
فائق الاعجاب

ر
جميل انجد كلمات رائعه تصف لوعه على الفراق وفي نفس الوقت تذكرنا بالايام الجميل التي نعيشها مليئة بالسعاده \\

سلم لنا قلما حمل لنا بعض المشاعر الحزينه والفرحه في نفس الوقت