أمانة لا تجي منك مواقف تجرح احساسي انا من لي غيرك لا صار الزمن قاسي

أنثى أنا ..
وانت مواعيد الهنا
آخر طريق لوحدتي
وأول قصيد لقسوتي
تبكي علي ..؟!
وش في يدي
أنثى قوية ظالمة ..!
ابقى معي ..
اليوم بس ابقى معي
عبث طفلة صغيرة حالمة ...!!
أنثى أنا ..
تعرف متى تستعمرك
تعرف متى تستثمرك
لكني الليلة أجيك..
غير الليالي كلها
عبث طفلة صغيرة حالمة
ابقى معي ......!!
اليوم بس ابقى معي.
.

أبد والله
على خبرك ...
أغض الطرف ،
و أنتظرك ..
أبعثر شعري المجنون ...
ألملم حلمي المدفون /
أداري ظهري المطعون...
و أنتظرك ..
و أتساءل :
وش اللي باقي ب إحساسي ...ب زمن ناسيني و قاسي ...
وش اللي باقي ب أشواقي ...
ل جفا
يخنق لي أنفاسي ..!
تدوزني إنكساراتي ..
مثل عود
عيونك كل أوتاره !
وإسمك أجمل ألحانه !
رحلت
وذبلت الريشة !!
وأنا بعدك ..
سفينة هم ،
من الضيقات ..
تتكسر !
تجيني كيف ....؟!
وبيني وبينها دروبك !
مسافات ..!
وعذاب وزيف !
أبد والله ...
على حطت يديك .. الجرح ،
وآلامي ...
على خبرك أموت وأحيا
ب أوهامي
و أنتظرك ..!
وصوتي دايم يسأل :
[ وينها عيونك حبيبي سافرت مثلك حبيبي ؟! ]
عجزت ألقى لصوتي حل..
أنادي به ولا رديت !!
ولا فكر بيوم ي مل ..
أنا دايم ..
على خبرك ..
أموت أموت ،
و أحتضرك...
.

أبيك إنت ..
بدال الليل .. أبي صوتك يجيني صبح
وأبيك إنت بدال الجرح
تسولفلي .. عن اللي قبل ما أشوفك يحبونك
عن اللي بعد ما شفتك يهابونك
أبيك [إنت] .. تصور لو تكون الجرح ...!

تبيني آعتذر...
آسف
ولكن وش هي الزله..؟
تبيني أجرحك
حاضر
أنا همك وغربالك ...
مادام اني سبب دمعن حزين ناظرك هله
عسى يابعد عيني أجل ماطري على بالك...
ولكن قبل ما تنساني وتنسى مامضى كله
[ أمانه]
بس علمني وش اللي غير أحوالك...؟

ماتت بقلبي الأسئله ..
ولابقى الا سؤال .!
عيا بقلبي لايموت ..
واليوم ودي اسألك ..؟!
وش اللي ياحبيبي غيرك ..؟!
من غير ذنب ..
وبلا سبب
عذبتني ..
ورغم الألم ..
.. تصدق ..
أشتقت لك ..

\

علامك ليش مهملني ..؟!
وفي رفك أنا تذكار ..؟!
إذا كان الهدف بعدي ..؟
أنا حاضر وممنونك ..
رجاي توضح أسبابك ..!
سكوتك زاد بي أفكار ..
إذا ناوي هوى غيري ..
عسى رب السما يصونك ..
\

تظن ان منزلك عندي صغير..
وما أفقدك لا غبت ..!

عسى الله لا يبين لك غلاك ..

وقدرك الخافي ..
أنا لو جيت ابوصف لك
مكانك عندي وحاولت ..!
بأقدم لك سكوتي ..
ماأحس ان الحكي كافي ..

\

.
.
جا يودعني ..
يحسبني قد الوداع ..
نعنبوك هو بقى بي حيل ..
حتى اجمعه ..!
شب في روحي ..
جنون وإندفاع ..!
ومدت عروقي يديها .. تمنعه ..
قال .. أحبك ..
وبدت أحضاننا أجتماع ..
قلت .. أحبك ..
والمطر في اضلعه ..
ترشف عيونه .. دموعي بالتياع ..
وتعطش عيوني ..
وتشرب ادمعه ..
يوم قفا ..
وانطفى ذاك الشعاع
طار قلبي ..
من ضلوعي يتبعه ..
قلبي .. اللي كلما يلقاه ضاع ..
كلما يغفي ..
بحضنه روعه ..
وين أوجه ..؟
كل جهاتي ضياع ..
كل احاسيسي ..
توجهني معه ..!

\
.
.

هلا ..
بالخاطر اللي من عبيره ..
عطر الوجدان ..
سرى بين الضلوع ..
وفاحت الأشواق بعلومه
هلا ..
بالضحكه اللي جت ..
تشيل اللولو والمرجان ..
مع البسمه وهي في خاتم ..
سليمان معصومه ..
هلا ..
باللحظة اللي مايطمع ..
في عرضها النسيان ..
عليها تنحني الذكرى ..
وفوق الصدر مضمومه ..

\
.
.

أمانه ..
لا تجي منك مواقف ..
تجرح احساسي ..
انا من لي غيرك ..
اذا صار الزمن قاسي ..
وامانه ..
لا تجاملني اذا نفسك تبي فرقاي ..
انا مابي يجي لي يوم ..
أكون لعزتي جارح ..

\
/

وربي ..
مابكت عيني ..
على شي فقدته وراح
.... وربي ..
مانزل دمعي ..
ولو حتى على شاني ..
.. وربي ..
ماشعرت بيوم ..
صدري ضاق بي .. أو صاح ..
كثر ماضاق هالمره علي ..
وصاح حرماني ..‎
.. وربي ..
ماعرفت إن الدموع ..
إذا بكت أرماح ..
إلا من بعد منهو ..
فراقه حيل بكاني ..!

\

إنتثر في دنيتي ..
وحرك سكوني ..
وفي عيوني ..
ياعيوني بجمعك ..
تدري انك بالغلا ..
تسوى عيوني ..
ومافي داعي ..
كل مره أقنعك ..
غيرتي تذبح ..
وتفكيري جنوني ..
شف خفوقي ..
من هيامه يتبعك ..
لو يحول الوقت ..
من دونك ودوني ..
تنطفي شمسي ..
قبل ماأودعك ..

مما اعجبني

انظر إلى عينيي

ستبوح لك

بما في قلبي

تترجم إحساسي

تهمس لك بعمق حبي

وشوقي ووجدي

أنظر إلي

أترى مكانك

بداخل ذاك القلب

وحدك أنت

سيدتي

بنت غير كل البنات

للهمسات الصادقه

تأثير ملموس على قلب المحب

فتكون كالسحر بل كالجنون مع من نحب

تابعي باستمرار

دمتي متألقا

الوزير

الوزير كتب:: انظر إلى عينيي

ستبوح لك

بما في قلبي

تترجم إحساسي

تهمس لك بعمق حبي

وشوقي ووجدي

أنظر إلي

أترى مكانك

بداخل ذاك القلب

وحدك أنت

سيدتي

بنت غير كل البنات

للهمسات الصادقه

تأثير ملموس على قلب المحب

فتكون كالسحر بل كالجنون مع من نحب

تابعي باستمرار

دمتي متألقا

الوزير

شكر لك اخي الوزير وعلى اهتمامك الدايم

روعة الزين كلامك واعر هلا يخطيك الزين

» قصيده تجرح المشاعر..........قويه
» لاااااااااااااا يغرك الزمن
» كلمات لك وحدك ولا لاحد غيرك
» سامح غيرك كي يسامحوك.....
» {عجزت احكيلك احساسي}