♥ ◄ قـصـني مع الحولي وملي عيدنا عند خالتي ♥ ◄

سيادنا هاو احد السلام عليكم كيف دايرين لاباس

بما ان العيد قرب قلنا نديرو شي حاجة بهاد المناسبة

ندخلو ف الموضوع مباشرة

ايوا قاليك الواليد ديالي غانمشو للسوق نها ر الخميس<<

نضنا مع6:00 ديال الصبح ومشينه ركبنا فـواحد الصتافيطة والمووووووت تاع البرد

وافين الاستاذة ديالي صفاي << ايوا وصلنا وانا فرحاان حيت غيبت من المدرسة

ملي وصلنا للسوق اول مانزلت من ديك الصطافيط حطيت رجلي غطست فواحد الغيسة<< شكون قال راه النحس عاوتاني

ايوا قلنا نبداو نقلبو السووووق كان كبير او اش غانقول ليكم الناس بصح جوهلة

ها لي يقلب الحولي من راسو ها لي يقلبو من قرونو ها لي تيلعب معاه كومبه

ايوا باااااااااز وصافي واحد البنت كانت واقفه حدايه هي وأمها

قالت لماماها بغيت الحولي زهري << مالو فلة

كون كانت بنتي كون شحطتها ونوريها الزهري كيف عيجي فحنوكها

ايوا الواليد تيتساره وهو يوقف يقلب شي 2 سوايع فواحد الحولي

محن داك الحولي بقا فيا يقلب ليه سنانو يقلبو من اللور قاليك حقا فيه الشحمة الشحمة مضرة

كماقال الشاعر والشاعرة " وانتي ديري الريجيم باش تولي رقيقة ياك الشحمه
في العضم واللحم يدير الديقه

/ وانتا ماشي شغلك انا عاجباني هاد الفورمه اللهم غليظة ولا رقيقه مسمومة "

نرجعو لموضوعنا الواليد قلب قلب ف الحولي و في لاخير قال لراجل الحولي ديالك مهرسة ليه الضرسة

بالحق عجبني فيه الراجل قاليه واخا دابا نديه عند طبيب السنان ندير ليه سااااااارتفيكا ه ايوا اراك لتعدااااااب التقلاب عوتاني هو الواليد لقا واحد الحولي بق قلب قلب دابا يهدى دابا يترص وفي الاخييييييير اراك لعداااب التشطاااار بق يتشطر يتشطر وفي الاخير شرااااااه بففففففف اخيراااااااااا...

ايوا الواليد خلا معاي الحولي وقال ليا انا غادي نجيب شي سطافيط باش نهزو الحولي

ايوا الحولي بحال الا علموا الله وهو بدا يترنح يترنح وهو يهرب ليا

.وانا نجري وهو يجري وانا جري وهو يجري.... سخفني وحلف ما يوقف ودخل ف شي 4 المراوات

عطاوني الدعاوي " الله يعطيك السم " الله يخليها سلعة "

والمصيبة دخل ليا الحولي فـحواله الراجل لي قاليه الواليد حوليك سنتو مهرسة
ايوا حلف وقال ليك ديالو وانا نحلف وهو يحلف.......... وفي الاخير عطاه لي

ملي رجع الواليد قالي الواحد مايعولش عليك

وملي رجعنا للدار كليت واحد القتلة ديال العصا تشهيتها ليييييييييييكم

<<<كون غير مشيت نقرااااااا


---------------------------------------------------------
خبر عاجل

[/size]




انقاد خروف في محاولة انتحار منه بائت بالفشل

----------------------------------------------------------


نرجعو لمووضعنا

ايوا جا العيد وداك العام كنا معيدين عند خالتي وخالتي بوووووووكو شيكي بمعنى الكلمة

جا الجزار ودبحناا وها خالتي طالعة لعندنا للسطح وهي دربها بواحد الغوتة

قالت لينا تيسحبني غادي ديروه حيوان اليف <<<خالتي لا علاقة

قالينا الجزار ياله بسلامة عيدكم مبروك وهي تقول ليه اجي فين غادي دي معاك الجثة


قاليها اينا جثة الله يجيبك على خير


وهي تتغوت قالت ليه كدييييييييرو داك الشي عشوائي<<

والوالييييدة بغات تريشهااااا ب66 كشيفه باش قنعناها

وملي قنعاتها قالت خالتي ايوا غسلووووه بسيدي علي

حلفنا هدا هو اخر عيد لينا عندهاا.

------
نقطة
رجوع الى السطر __ النهاية

وعيد مبارك سعيد الله يدخلو عليكم بالصحة والسلامة

za3maa tbaak allah 3lllllllik o mabroook l3iiiiiiiiid

ناري قتلتيني بالضحك واعره بزااااااااااااااااااااااااف والله تبارك الله عليك

مرسي بزااااااااااااف وتحرمناش من جديدك

وعيد مبارك سعيد علينا وعليك وباش ما تمنيتي ان شاء الله

ههه
روعه
مرسييييييييييي

hhhhhhhhhhhhhhhhhhhhhhhhhhhhhhhhhhhhhhhhhhhhhhh

hhhhhhhhhhhhhhhhhhhhhhhhhhhhhhhhhhhhh
merciiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

ه