ياأجمل غـرام ٍ نشـا .. ياروعـة سنينـي
ياتاج روحـي .. ووجـدي .. يامحطاتـي
ياجـارح بسيـف عشقـك .. يامداويـنـي
ياساكـن الـدم .. يادمـي .. ونبضـاتـي
يـاروح روح القصايـد .. فـي دواوينـي
ياجـاذب لحضرتـك .. ذوقـي ورغباتـي
ياساحـر البسمـة اللـي منـك ..تغرينـي
يـادرب نـور البشايـر فـي متاهـاتـي
ياأوفـى رفيـق ٍ عرفتـه .. مايخليـنـي
ياشمس عمري .. منااااااي .. وبلسم آهاتـي
ياللـي ولافيـه غيـرك فـي عناويـنـي
بينـي وبينـك تطمـن والعـمـر آتــي
والله ماأقطـع وصـال ٍ بيـنـك وبيـنـي
حبي لك أكبـر مـن اللـي فـي كتاباتـي
ولااظن يكفـي لـو انـك قلـت : يكفينـي
بالعيـن أشوفـك توجـه كـل نظـراتـي
وأقـول : ملكـك تدلـل .. يابعـد عينـي
القاك مـن ويـن ماامشـي .. فااتجاهاتـي
وأثـرك فكـل اتجاهـاتـي .. تمشيـنـي
أوقات عمري بدونـك .. ماهـي أوقاتـي
سبحان منهو ..جمـع دينـك علـى دينـي
للعمـر لـذه ..وقـربـك فـيـه لـذاتـي
أنساك لحظه وأقـوم أذكْـرك فـي حينـي
حابسْك فـي خافقـي .. حبسـي لدمعاتـي
لاصرت ضايق .. وأخاف الدمـع ينهينـي
سادات سيـدي .. لاوالله .. سيـد ساداتـي
خذ راحتك .. أنـت .. آمرنـي وناهينـي
أشعل ضلوعي .. سرور ..ان شفت ضيقاتي
خـل الفـرح فـي شتـا همـي يدفيـنـي
انت البدايات .. وانـت .. اخـر نهاياتـي
من يوم ناعم يدينـك .. شابـك .. إيدينـي
ياصعبها لـو تغيـب .. وبعـدك آحاتـي
بكون عايش .. ولاادري .. وين انا ويني ؟؟
أنسـان ضايـع والملـم .. باقـي شتاتـي
أشكيـك للوقـت .. والأوقـات تشكيـنـي
أبختصرها .. ولو طالـت بـك .. أبياتـي
إنك تساوي غـلا .. ربعـي .. وغالينـي
لأني قبـل مااْعرفـك ..وأبـدى علاقاتـي
أحس أعرفك ..!! وأحسك منـي وفينـي
!!
نقاط التميز 
موضوع: يااول سنين الغرام 
