.هدا واحد ناعس كيحلم كياكل فالمسمن فاش فاق لقا راسو واكل نص من الكاشة
.هدا واحد حل حمام دار5 دراهم حتى واحد مدخل دار ليهم 2 دراهم حتى واحد مدخل
السيد طلع ليه الدم فراسو أو كتب فوق الباب حمام فابور الحمام تفرgع ببنادم
مول الحمام هز واحد العصا وقف حدا الباب gاليهم لي بغا يخرج 10 دراهم
كاليك هدا واحد الرجل
قال لولدوا سير جيب 20 فرنك ديال الزبدة
مشا الولد عند مول الحانوت كالوا كاليك بابا عطيه 20 فرنك تاع الزبدة
مول الحانوت قال للولد : سير عيط لباباك يجي يلحس الموس
.واحد الشفار دخل لواحد الدار... هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس... و هو يقول ليه داك الشفار: سربي دغية أخاي مصطفى .
داب هادو شي شبعانين و مساليين مشاو لواحد القنت وجمعوا كاع الكدابة باش يشوفو شكون الواعر فالكدوب
سولو الاول قال ليهم انا واحد النهار حليت التلاجة ولقيت الاسكيمو كايتساراو فيها
وسولو التاني وقال ليهم انا كنت ماشي واحد النهار ولقيت الملك فالزنقة وديتو يتغدى معايا وفالتالي قتلتو ورجعت ملك
وسولو التالت وقال ليهم انا واحد النهار كنت فالغابة وكانت عندي قرطاسة وحدة وتلاقيت معا واحد السبع وضربتوا وزكلتوا وكلاني (والفاهم يفهم)
2-قاليك هاذ واحد هو أو صحبتو غادين كايتسراو فدروبا أو حشمانين . بقاو ساكتين وحد شوية قاليها قوليلي شي كلمة حلوة ..قاتليه سكارة .قاليها لا
شيحاجا كتجمعنا قاتليه سطافيط
__________________________________________
هادا واحد عندو تلاتة د الشعرات ف راسو. مشى عند الحلاق وقال ليه: دير ليا فرقة من الجنب
الحلاق جا يدير ليه الفرقة من الجنب تقطعات ليه واحد الشعرة
قال ليه الراجل: واخا دي ليا الفرقة ف النص
الحلاق جا يدير ليه الفرقة ف النص تقطعات ليه شعرة أخرى
قال ليه الراجل: عرفتي أشنو تدير؟ دير ليا تشويكة
واحد مكلخ قال لصاحبو: البارح ما نعستش مزيان ف التران
قال ليه صاحبو: وعلاش؟
قال ليه المكلخ: لحقاش كنت ناعس ف البلاصة الفوقانية
قال ليه صاحبو: وعلاش ما تبادلتيش مع مول البلاصة التحتانية؟
قال ليه المكلخ: حيت كانت خاوية وماكانش فيها حتى واحد باش نتبادل معاه
عشرة د المكلخين كيتعلموا الربطة ديال الكرافاتة. ستة ماتوا وربعة ف حالة حرجة
واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا
رباعة د المكلخين دارو مظاهرة ناضوا لبّسوا واحد فيهم الماسك ديال بوش وحرقوه
واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت
-----------------------------------------------------------------------------------------------------------
واحد السبيطار ديال الحماق خرجوهم لشانطي باش يشوفوا شكون اللي دار العقل قالوا ليهم للي تلقا لشي طونوبيل نعطيوه طريف ديال ماروخا كلشي كيتلقا لطونوبيلات و كيتشتت واحد بقا كيروغ على الطونوبيلات قالوا هدا مول العقل سولوه علاش كيروغ عليهم قاليهم كنتسنا شي رموك باش ندي باكيا
هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس
جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده ديك الراجل و قال له عطيني كوكا ولا ...؟
جا البقال رد عليه :ولا شنو ؟؟؟؟ رد عليه الراجل و قال له: ولا فانتا
قال ليك هدا واحد كان غدي مسافر أهو يوقف واحد الطاكسي أو قال ليه بشحال غادي توصلني للمحطة . قال ليه 20dh
اهو يقول ليه الشنطا <الباليزا> بشحال قال ليه فابور أو هو يقول ليه وصل ليا البليزا هاني تابعك
3
واحد الشفار بغى يتوب وهو يسرق جوج سيديات ديال القرآن
4 *ومرة واحد البخيل مات ليه اباه
واش دار بكى عليه بعين وحدة
_
هدا واحد مكلخ ناض ف ليل قطع ل خوه راسو ملي سالا قال فنفسو ملي غادي يفيق خوية و مايلقاش راسو غادي يموت ب ضحك
2_هدي واحد ل قرية صغيرة عندهم واحد ل حفرة كايطيحو فيها ناس بزاف ؛ تجمعو المسؤولون كايفكرو يديرو ليها شي حل واحد قاليهوم (نحطو حداها إسعاف لي طاح يديوه فيها ) تاني قاليهوم 2 إسعافات حتا إلا مشات وحدة تكون لاخرا موجودا تالث قاليهوم هاديك لحفرا نحطوها حدا سبيطار ( و مافكروش يردموها ويتهناوا)
هدا واحد الراجل كيسعى مشى لواحد العمارة عالية وهو يصوني على الطبقة الاخيرة وجاوبو مول المحل قالو شنو بغيتي قالو هباط عندي بغيت نقولك شي حاجة ضروري قالو قولها دابة قالو نزل عندي ونقولها ليك فاش نزل عندو قالو شي صدقة ومول المحل قالو طلاع معايا نعطيهالك وطلعو فالدروج وهو حل الباب وقالو الله يسهل
---------------------
واحد الولد مفركس مزيان وتطل عليه واحد الشهبة واعرة من 6 ايطاج قالت ليه فس فس طلع طلع ويقول ليها انا قالت ليه اه نتا
ويطلع بسرعة البرق دخلاتو وسدات الباب و هي توريه واحد كركور الصابون قالت ليه يا الله طلع نشروا في السطح والا ما بغتيش وارتو واحد دوبرمان نيابو طالعين خاف وطلع ينشرهم ويطل من السطح بان ليه واحد خاينة غادي مانتك تاهو ويقول ليه ايه فس فس طلع طلع ويقول ليه سير لمك راه انا لي صبنتهم
------------------------
هادا واحد مشى للفرماسيان وقال ليهم: بغيت الحليب ديال الدراري الصغار
قال ليه مول الفرماسيان: أشنو سميتو؟
-----------------------
هادي واحد المعلمة رسمات للدراري تراكتور و سولاتهم واش عرفوا أشنو سميته.
حتى واحد ماعرفه. واحد شوية وهي تنوض واحد باش يجاوب و الدري تمتام، قال ليها: تر تر تر تر تر تر
وهي تقول ليه: أنا غير سولتك على سميته ماشي قلت ليك دير ليه أمارش
------------------------
هادا واحد سميتو مبارك او جارتو سميتها زهرة مبارك شرا حولي هي تقوليه جارتو مبارك الحولي كال ليها تبارك الله على زهرة البكرة
جوج فراشات خارجات يدورو شافو سراق الزيت فالحيط قالو يخ اولاد الكاريان جاو
واحد الشارفه كتكذب بزاااااااف ..
فقالوا اولادها خلينا نسيفطوها الحج ياكما اتوب من الكذوب ...
مشات حجات وجات
و اول ما وصلت سولوها اولادها ..الحاجه كيف كان السفر ..
قالت لهم : اسكتوا ماشي الطيارة خسرت في السماء ونزلنا كندفعوها
واحد مابغاش يسكت ليه لموطور وهو يجيب ليه دانون
واحد دخل ليه الماء لودنيه دخل ليها الضوء وكراها
واحد بغا يضرب تيليفون وهو يدي معاه عصا
واحد بغا يقطع الشانطي وهو يجيب منشار
واحد بغا يطلع لطنجة وهو يجيب سلوم
واحد ضربو موطور وهو يجيب ليه باه
واحد تلفت وهوما يخضروا بيه
واحد دار وهوما يسكنوه
هدا واحد السمسار مشا يخطب واحد البنت أو هما يكولو ليه عائيلتها الى بغيتي تزوجها عطيها فالصداق ديالها 20 مليون أو هو يكعا او كال ليهم مالها جات فالشوكة
هاذا واحد المعلم سول التلاميد ديالو .ماهو الجمع ديال الدب جاوبو واحد التلميد gال ليه دبب gاليه المعلم ديرها في جملة مفيدة gاليه التلميد نكبر ونديبب للحج ...........
هادا واحد الدري جا عند اباه gاليه جوجني ولا شري لية بيكالا .gاليه أشنهية العلاقة مابين الجواج والبيكالة gاليه الدري لموهيم عندي هو غير نركب أوصافي......
هذا واحد سقرام مات باه دارو فتلاجة حتى تموت امو ويدير جنازة وحدة.
واحد بغا يشري حولي.. عندو غير 800 درهم.. مشا للرحبة لقا كلشي غالي.. قال لواحد البياع عندي غير 800 درهم وبغيت حولي.. قال ليه البياع.. تاكلو هنا وللا تديه معاك
واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟
هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات.
واحد الطلاب مشى عند واحد مول فران مسموم قال ليه : خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش.
واحد الولد سول باه: كيفاش نعرف واش الواحد سكران؟
قال ليه باه: السكران أولدي غادي يقول ليه راه هادوك ربعة د الشجرات ماشي جوج
منين تلفت الولد فين شير باه وهي تبان ليه غير شجرة وحدة.
هادي واحد الخايبة شافت وجهها ف المراية وقالت: هادو اللي كيصايبوا المرايات ولاو غير كيركعوا .
مكلخ خطف مكلخة ودارها ف الطوموبيل. البنت بدات كتغوت
قال ليها المكلخ: غادي تسكتي أولا غادي تنزلي
قالت ليه: لا صافي هاني سكت.
واحد مكلخ كان كيصبغ الحيط ف دارهوم. قالو ليه: إيوا بعدا على الأقل دير جرنان تحت منك
قال ليهم المكلخ: لا بلاش، راني طويل
واحد المرا دات ولدها عند الفقيه وقالت ليه: سي الفقيه، الله يرحم الواليدين إيلا ما علم ليا ولدي، راه الجامع ديال الدوار ديالنا بقى بلا فقيه. يالله هاني غادي نتسنى فيك قدام الباب حتى تسالي
جوج بنات دافعين كبير شافو حادث سيارة
وحدة كالت للثانية ho le pauvre est reste dans moi مسكين بقا في
ردت الاخرى LE PAUVRE LA BEBLIOTHEQUE SUR LUI مسكين مكتابة عليه
واحد عيط لمراتو وقال ليها: وجدي ليا الما السخون
قال ليه صاحبو: وايني راجل أصاحبي
قال ليه الراجل: إيوا شنو بغيتي؟ نغسل الماعن بما بارد؟
قالك هدا واحد هو او صاحبتوباركين فربيع قالها هاد الربيع اش خاصو او هي تقوله بقيرتنا
نقاط التميز 
موضوع: موت ديال ضحك نكت مغربية و جريدة ديال نكت 
